LIGJET E BIZNESIT
Një ditë pasi rrëzoi kërkesën e opozitës, ERE njoftoi këtë të premte (28 tetor 2022) që në muajt nëntor dhe dhjetor do të apliokohet çmimi me 42 lekë për të gjithë konsumatorët që tejkalojnë fashën mbi 800 kWh.
Siç është theksuar dhe më parë nga vendimarrja e Entit Regullator Energjitik, çmimi i furnizimit me energji elektrike për familjarwt që konsumojnë mbi fashën e 800 kWh, do të mbetet objekt rishikimi periodik bazuar në kërkesën e Furnizuesit të Shërbimeve Universale.
Edhe në muajin tetor Enti Rregullator Energjitik dha një njoftim të tillë, i cili më pas u kundërshtua nga kryeministri Rama, ku e rrëzoi për shkak të ndërgjegjësimit të qytetarëve për të kursyer por edhe shtimit të reshjeve.
Pavarësisht se të enjten deputetja e opozitës, Jorida Tabaku, ka diskutuar rreth kërkesave të mosndyrshimit të çmimit të energjisë elektrike, Bordi i Entit Rregullator Energjitik nuk i ka marrë në konsideratë duke e revokuar si kërkesë për mungesë argumentesh.
I menjëhershëm ka qenë reagimi i kryeministrit Edi Rama i cili rikonfirmoi ndryshimin e çmimit të energjisë elektrike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Nëse sot, 1 kWh paguhet 9.5 lekë, imagjinoni 44 lekë. Është e pamundur. Për këtë arsye, ne kemi vendosur një mburojë financiare që gjithë diferencën e paguan shteti. E çmimi rritet, nuk ulet. Pashë sot që ERE kishte nxjerrë një çmim tjetër, 44 lekë, nga 42, prap është rritur.
Megjithatë ne do vazhdojmë ta bëjmë këtë gjë, të bindur që kjo është gjëja e duhur, qoftë për familjarët, qoftë për çdo biznes të vogël sepse kështu ne bëjmë edhe tjetrën, mbajmë inflacionin më ulët sesa gjithë vendet e tjera të rajonit pavarësisht se çmimet janë rritur dhe këtë gjë ne nuk e ndalojmë dot se s’e ka ndaluar askush, por mund ta zbusim” tha Rama në takim me gratë dhe vajzat në Bulqizë.
