Vendimi i fundit i Bordit, bien lehtë çmimet e karburanteve

Pësojnë një rënie të lehtë çmimet e karburanteve në vend. Bordi i Transparencës ka publikuar çmimet e reja të naftës dhe benzinës, që kanë pësuar një ulje të lehtë “si rezultat i rënies së çmimeve në bursën Platts Mediteran”.

Si rrjedhojë, çmimi i shitjes me pakicë i nënproduktit gasoil i standardit SSH EN 590 të jetë jo më shumë se 237 lekë/litri, ndërsa i shitjes me shumicë jo më shumë se 225 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 196 lekë/litri, ndërsa i shitjes me shumicë jo më shumë se 184 lekë/litër.

Ndërkohë, çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

Çmimet e caktuara nga Bordi do të hynë në fuqi sot datë 1 shtator ora 18.00 p.m dhe do të jenë të vlefshme deri në mbledhjen e ardhshme të bordit, ku do të pasqyrohen ndryshimet e çmimeve të shitjes.