LIGJET E BIZNESIT
Vatikani prodhon monedhën me figurën e Nënë Terezës. Në nderim të 6 vjetorit të shenjtërimit të Nënë Terezës, Selia e Shenjtë ka prodhuar monedhën 2 euro me figurën e shenjtores dhe të një fëmije indian në duart e saj. Një version i dyfishtë brilant i pa qarkulluar dhe provë, Vatikani ia kushton monedhën dy euro, jetës dhe punës së Nënë Terezës.
Monedha e realizuar nga artistja Orietta Rossi shfaq në anën e pasme Nënë Terezën duke mbajtur një fëmijë indian në krahë, shikimi I së cilës paraqet shprehjen me dashuri të një nëne ndaj fëmijës së saj. Ky imazh lëvizës pasqyron gjithë dashurinë, përkushtimin që Nënë Tereza ofroi për të lehtësuar vuajtjet e më të varfërve.
Monedha është e realizuar në këtë mënyrë që Nënë Tereza dhe fëmija sipër të rrethohen nga mbishkrimi “Nënë Tereza e Kalkutës”, dhe më poshtë emri shtetëror “Qyteti Vatikan”. Ndërkohë në anën e djathtë ndodhet datat dhe vula e Institutit Shtetëror të Minierave dhe Poligrafisë Italiane, 1997-2022.
Anjezë Gonxhe Bojaxhiu, që më vonë e ndryshoi emrin në Nënë Tereza, lindi me 1910 nga prindër shqiptarë. Ajo i mori mësimet e para në një shkollë në qytetin e Shkupit dhe në moshën 18 vjeçare u dorëzua murgeshë.
Nënë Tereza për shërbimin e saj për të varfrit ka marrë 124 çmime dhe vlerësime, duke përfshirë Bharat Ratna, çmimin më të lartë civil të kombit dhe çmimin Nobel.
