LIGJET E BIZNESIT
Megjithëse janë bërë hapa para në drejtim të mbështetjes së ideve që mund të kthehen në biznes, në Shqipëri vetëm 1 në 10 ndërmarrje “Start-Up” arrin të mbijetojë dhe të jetë i qëndrueshëm në treg.
Kjo për shkak të klimës së ashpër të një biznesi me vizion të ngushtë, si dhe mungesës së parave. Ky raport që shpesh demoralizon “mendjet e bukura”, thonë aktorë nga ky treg, mund të ngushtohet ndjeshëm me ndihmën e eksperiencës së Diasporës.
“Gjenerata e diasporës që ne kemi, me njohuritë, me integrimin në vendet e tjera dhe ata që kanë krijuar kompanitë e tyre të invetsimeve mund të jenë promotorët më të mirë për të ndihmuar këta start-up për të qenë më të qëndrueshëm”, shprehet Anila Hyka Smorgrav, anëtare e Këshillit Koordinativ të Diasporës.
Dhe që marrëdhënia mes ideve revolucionarizuese dhe eksperiencës së Diasporës të funksionojë, institucionet duhet të ofrojnë disa politika lehtësuese. Detyra tjetër ndaj institucioneve është ajo e të punuarit më fort e më shpejt në drejtim të politikave në të nxënit e teknologjisë.
“Ajo që ka në dorë qeveria është lehtësimin e politikave dhe praktikave e procedurave. Nëse dikush nga diaspora do të vijë të investojë, ka nevojë të ketë praktika të thjeshta”, shpjegon Smorgrav.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Aktualisht, komuniteti i “Start Up”-eve është ende i ri dhe i brishtë, në vend. Por megjithatë nuk janë të paktë ata që gjejnë mundësi për të shndërruar idetë e tyre në risi.
