Rama kritikon raportet për klimën e biznesit: Nuk reflektojnë realitetin

Anketat e shoqatave të biznesit që reflektojnë një situatë jo të mirë të klimës së të bërit biznes në Shqipëri nuk reflektojnë realitetin për kryeministrin Edi Rama. Gjatë një takimi me sipërmarjen, ai deklaroi se se janë bërë hapa përpara dhe kjo nuk reflektohet tek anketimet. “Që ka problematikat e veta, as nuk diskutohet. Por mjafton t’i hedhësh një sy gjithë hapave që janë bërë për të përshpejtuar proceset, nga sportelet e radhët, te proceset elektronike, është e pamundur që kjo të mos reflektohet”, deklaroi Rama.

Kryeministri shpjegoi se anketat e biznesit nuk tregojnë realitetitn dhe dëmshtojnë imazhin e Shqipërisë.

“Anketat jo profesionale, që ta themi troç, cenojnë punën tonë, imazhin e këtij vendi dhe klimën e biznesit. Nuk mund të jemi pre e opinioneve të mbledhura rrugëve dhe të përpunuara në mënyrë kaotike dhe nuk mund të jemi pre e kanaleve që përçojnë vazhdimisht opinione që nuk përputhen me realitetin. Nuk ka asgjë për të ngjyrosur me rozë, por që sot shumë nga ndërveprimet janë dita me natën, ky është fakt. Kjo kërkesë e imja ka të bëjë me një raport përgjegjshmërie me vendin, në raport me të dyja palët, për të forcuar komunitetin e biznesit”, u shpreh Rama.