Konfindustria apelon qeverisë që të rrisë fashën e konsumit të energjis ënga 800 kWh në muaj në 1200 kWh. Sipas përllogaritjeve të industrialistëve, me fashën aktuale preken nga 13-20% e familjeve në muajt e dimrit.
Për t’i ardhur në ndihmë këtyre familjeve, Konfindustria propozon një kufi prej 1200 kWh, mbi të cilën çmimi të rritet. Rritja e energjisë do të prekë familjet dhe kjo goditje do të përkthehet në më pak konsum sipas Konfindustrias.
Konfindustria parashtron se Shqipëria ka pavarësi energjetike në 75% të kërkesave të saj, por varësia nga kushtet të motit bën që të ketë vështirësi. Problem mbeten humbjet në rrjet që tejkalojnë 120 milionë euro në vit, si dhe mosvënia në funksion të TEC-it të Vlorës.
