Instituti i Statistikave raporton ulje të papunësisë në nivelet më të ulëta të tre dekadave të fundit. Emigrimi masiv, por edhe ringritja e ekonomisë pas pandemisë mendohet të jenë faktorët që kanë ndikuar. Sipas INSTAT, në tremujorin e dytë të këtij viti, shkalla zyrtare e papunësisë në Shqipëri, për popullsinë 15 vjeç e lart, është 11.1%. Niveli i papunësisë u ul me 1.1%, krahasuar me të njëjtin tremujor të vitit 2021 dhe është ulur me 1%, krahasuar me tremujorin e mëparshëm.
Shkalla zyrtare e papunësisë u ul me 0,5 pikë përqindje në krahasim me tremujorin e dytë të vitit 2021 dhe u ul me 0.2 për qind krahasuar me tremujorin e parë të vitit 2022.
Shkalla zyrtare e papunësisë për burrat është 10.7% dhe për gratë 11.1%. Krahasuar me të njëjtin tremujor të vitit 2021, shkalla e papunësisë është ulur me 1.1 për qind për burrat dhe është rritur me 0.1 për qind për gratë.
Shkalla zyrtare e papunësisë për të rinjtë 15-29 vjeç është 20.2 %. Krahasuar me tremujorin e dytë të vitit 2021, shkalla e papunësisë për të rinjtë, në tremujorin e dytë 2022, është rritur me 0.3 për qind.
Krahasuar me tremujorin e parë 2022, ky tregues është ulur me 0.5 për qind. Shkalla e papunësisë për grup-moshën 30-64 vjeç është 8.7 %. Në terma vjetorë ky tregues është ulur me 0.8 për qind, ndërsa krahasuar me tremujorin e mëparshëm është ulur me 0.1 për qind.
Sipas statistikave zyrtare, shkalla e papunësisë për grup-moshën 30-64 vjeç është 8.7 %. Në terma vjetorë ky tregues është ulur me 0.8 për qind, ndërsa krahasuar me tremujorin e mëparshëm është ulur me 0.1 për qind.
