Paketa e dytë e Rezistencës: indeksim pensionesh, rritje e pagës minimale

Qeveria prezanton Paketën e dytë të Rezistencës Sociale, si ndihmë ndaj krizës së çmimeve. Në një konferencës për shtyp, kryeministri Rama, shoqëruar nga zv.kryeministrja Belinda Balluku dhe ministrja e Financave, Delina Ibrahimaj ka zbardhur detajet e ndihmës që do të jepet për familjet në këtë moment të vështirë. Risitë e paketës së dytë janë indeksimi i pensioneve me inflacionin dhe rritja e pagës minimale nga 32 mijë lekë që është aktualisht në 34 mijë lekë.

“Paketa është konceptuar si një mbështetje afatmesme, jo si një mbështetje e përkohshme, e shtrirë në një, dy apo tre muaj, që do të thotë se kemi marrë në konsideratë faktin që kjo krizë është e një natyre të paparashikueshme për kur e ka fundin e saj dhe angazhimi ynë është që t’u japim njerëzve tanë mbështetje afatmesme, të qëndrueshme dhe të ndërhyjmë në një sërë drejtimesh.

1. Për pensionet, indeksohen zakonisht 1 herë në vit, kjo ndodh në muajin prill. Duke marrë parasysh edhe efektin e inflacionit janë indeksuar edhe këtë vit por për herë të parë do të riindeksohen. Do të riindeksohen të llogaritur me normën e inflacionit që shkon në 6%, duke u nisur nga indeksimi i mëparshëm dhe në 9.5% si indeksim tërësor i këtij viti.

Kjo do të ndodhë edhe për personat me aftësi të kufizuar që kemi indeksimin e përvitshëm. Bëjmë ndërhyrje me indeksim 7.5% për të gjithë personat me aftësi të kufizuar. Do të rrisim me 10% ndihmën ekonomike dhe do ta dyfishojmë ndihmën ekonomike për gratë familjare me 2 fëmijë. Të gjitha gratë që janë në kushtet e papunësiisë, do të marrin një ndihmë ekonomike të dyfishuar”

2. Do të vazhdojmë programin e rritjes së pagave për sektorët prioritarë me buxhetin dhe afatin e vitit të ardhshëm. Pasi kemi rritur pagat për infermierët, ishtaraktët, mesuesit dhe mjekët. Do vazhdojmë të rrisim pagat për administreatën, po ashtu edhe për policinë e shteti dhe burgjeve, kategori këto që kishën kohë që nuk merrrnin rritje.
3. Ndërhyrje e dytë për pagën minimale, për ta rritur nga 32 në 34 mijë lekë.

Qendrojmë edhe në tre pikat që kishte paketa e mëparshme: Financimi i naftës për fermerët, për peshkatarët, dhe mos prekja e biletës së transportit”, deklaroi Rama.

Ashtu siç është bërë e ditur dhe më herët, Paketa e dytë e Rezistencës Sociale do të ketë një vlerë prej 6.1 miliardë lekësh, fond i gjeneruar nga rritja e të ardhurave buxhetore, të shkaktuar edhe nga rritja e çmimeve.