LIGJET E BIZNESIT
Qeveria pritet të bëjë publike këtë muaj paketën e dytë të Rezistencës Sociale ndaj Krizës. Burime nga kryeministria bëjnë të ditur se drafti është ende duke u konsultuar në ministritë e linjës dhe nuk ka marrë formë përfundimtare.
Mësohet se piketat kryesore do të jenë mbështetja me fonde e sektorit të energjisë; ndihma ndaj shtresave të varfra dhe pensionistëve, si dhe rritja e fondeve të kontigjencës në buxhet për çdo emergjencë të mundshme.
Ajo që është duke u diskutuar mes ekspertëve është formula e ndihmës që do të shkojë si mbështetje për shtresat e varfra, që janë edhe më të prekurat nga rritja e çmimeve.
Pak koh më parë, ministrja e Financave, Delina Ibrahimaj deklaroi se paketë e dytë e ndihmës do jetë pothuajse e njëjtë me paketën e parë dhe se detajimi i saj do të bëhet me vendim qeverie dhe do të përfshijë muajt në vijim.
Me rishikimin e fundit që iu bë buxhetit, të ardhurat u rritën me 30 miliardë lekë, nga të cilat 13 miliardë lekë do të shkojnë për rritjen e shpenzimeve publike dhe pjesa tjetër për uljen e deficitit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga rritja e shpenzimeve, rreth 12 miliardë lekë shkojnë për “Paketën e Rezistencës”. Kjo pritet të jetë edhe shuma që qeveria do të alokojë në shtator për të përballuar krizën e çmimeve dhe një përkeqësim të mundshëm të situatës energjetike.
