LIGJET E BIZNESIT
Samiti i radhës i Open Balkan po zhvillohet sot në Beograd. Pjesë e këtij samiti janë presidenti serb Vuçiç, kryeministri Edi Rama dhe kryeministri i Maqedonisë së Veriut Kovaçevksi dhe ai i Malit të Zi, Abazoviç.
Duke iu referuar marrëveshjes që pritet të firmoset për eksportin e mallrave mes vendeve të Open Ballkan, presidenti serb Vuçiç deklaroi se nëse një prej këtyre vendeve e ndërpret eksportin, nga ky vendim nuk do të preken vendet e tjera.
“Do të nënshkruajmë sot dokumente angazhime të së ardhmes. Marrëveshjen për Mekanizmin e Furnizimit të produkteve themelore mes Ballkanit perëndimor. Cili nga vendet tona merr vendim të ndalë eksportimet në kuadër të Ballkanit të Hapur, nëse e bën Serbia apo Shqipëria dhe Maqedonia nuk do ndikojë në vendet e tjera,” deklaroi ai.
Ndërkaq kryeministri maqedonas, Kovaçevksi theksoi në fjalën e tij se ndërsa bota është në krizë, Open Ballkan ka ndihmuar vendet anëtare që të përballojnë sfidat në sigurinë e energjisë dhe ushqimit
“Është e qarte se Maqedonia e Veriut, Shqipëria dhe Serbia me nismën e Ballkanit të Hapur ka hedhur një hap kyç në një rrugë kyçe. Ky bashkëpunimin sot mes 3 vendeve, ka hapur rrugën për ne që të menaxhojmë sfidat sigurisë të energjisë dhe ushqimit, kur vendet në mbarë botën po përballen me krizë. Ne do ndihmojmë njëri-tjetrin dhe vendet tjera. Siç duhet të bëjnë fqinjët e mirë, ne do ta ndihmojmë njëri-tjetrin nëse kemi vështirësi në produkte ushqimore””, u shpreh Kovaçevksi
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
