Njohja e sigurimeve shoqërore, përfundon raundi i parë i negociatave Shqipëri- Kroaci

Shqipëria dhe Kroacia pritet që të bëjnë njohjen reciproke të sigurimeve shoqërore. E thënë ndryshe, të njihen vitet e punës në të dyja vendet. Lajmi është bërë i ditur nga kryeministri Edi Rama, përmes një njoftimi në faqen e tij në facebook.

“Shqipëria dhe Kroacia përfunduan raundin e parë të negociatave për marrëveshjen e sigurimeve shoqërore. Pas përfundimit të procesit teknik do të ndiqen të gjitha procedurat për ratifikimin e kësaj marrëveshjeje. Rreth 3 mijë shqiptarë që punojnë në këtë vend do të përfitojnë nga njohja e viteve të punës”, shkruan Rama.

Të njëjtën praktikë, qeveria shqiptare prej vitehs ka nisur ta bëjë edhe me vendet e tjera, vecanërisht ku ka emigrant shqiptarë. Njohja reciproke mes vendeve nuk po bëhet vetëm për sigurimet shoqërore, por me një pjesë të vendeve edhe për patentat e drejtimit të automjeteve.