LIGJET E BIZNESIT
Moody’s, agjencia ndërkombëtare e vlerësimit të kredibilitetit konfirmon vlerësimin aktual të Shqipërisë, “B1 – me perspektivë të qëndrueshme”. Rikonfirmimi është bërë në rishikimin më të fundit, ndërsa vitin e ardhshëm parashikon ulje të rritjes ekonomike me vetëm 2.5%.
Agjencia vlerëson se rimëkëmbja ekonomike pas pandemisë ishte e fortë dhe Produkti i Brendshëm Bruto (PBB) arriti nivelet e parapandemisë që në vitin 2021.
Shpërthimi i koronavirusit ndikoi rëndë në performancën ekonomike në vitin 2020. Megjithatë, stabiliteti makroekonomik u ruajt. Tkurrja ekonomike gjatë 2020 ishte më e butë (me recension prej 3.5%) dhe rimëkëmbja në 2021 më e fortë se sa pritej fillimisht (me rritje reale prej 8.5%).
Agjencia ka rishikuar për lart parashikimin e saj për rritjen reale ekonomike të vitit 2022 në 3.8% (nga 3.4% që ishte parashikimi i mëparshëm në fillim të Prillit), por ka rishikuar për poshtë parashikimin e rritjes për vitin 2023 në 2.5% (nga 3.6% që ishte parashikimi i mëparshëm).
Ndërsa ecuria e PBB vijoi të tregojë një vrull të fortë në tremujorin e parë të 2022 me rritje prej 6.0% nga viti në vit, agjencia parashikon që rritja ekonomike të ngadalësohet në pjesën e mbetur të 2022 dhe 2023. Rritja e çmimeve të produkteve energjetike dhe kostove të inputeve krijojnë presione të larta të vazhdueshme inflacioniste duke rezultuar në një kërkesë të brendshme më të dobët.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Edhe rritja ekonomike më e ulët në vendet të cilat janë destinacionet kryesore të eksportit shqiptar pritet të ketë një ndikim frenues në rritjen ekonomike. Agjencia vëren se parashikimet ekonomike dhe fiskale vijojnë të rrethohen nga një paqartësi e lartë për shkak të konfliktit të vazhdueshëm ushtarak Rusi-Ukrainë dhe rrezikut të një përshkallëzimi dhe/ose zgjerimi të mëtejshëm të konfliktit.
Agjencia vlerëson se varësia e Shqipërisë nga importet energjetike (naftës, gazit, etj.) prej Rusisë është e ulët. Për më tepër, ekspozimi i Shqipërisë ndaj ndërprerjeve tregtare është shumë i ulët pasi eksportet e mallrave drejt Rusisë dhe Ukrainës përbëjnë vetëm rreth 0.01% dhe 0.14% të totalit të eksporteve.
