LIGJET E BIZNESIT
Nuk ka të ndalur rritja e çmimeve. Instituti i Statistikave konstaton se në gusht, inflacioni kapërceu në 8% nga 2.4% që ishte në të njëjtën periudhë të një viti më parë. Ky është niveli më I lartë I inflacionit në 20 vitet e fundit dhe rekordi i pashënuar që prej vitit 1998, periudhë kur vendi ende vuante pasojat e krizës së piramidave. Rritja e inflacionit është shkaktuar kryesisht nga shtrenjtimi I ushqimeve dhe karburanteve.
Të dhënat e detajuara të INSTAT tregojnë se në gusht çmimet në grupin “Ushqime dhe pije joalkoolike” u rritën me 4.88 %, pasuar nga grupi “Transporti” me 1.12%.
Rritja e çmimeve nuk është një dukuri vetëm shqiptare. Cmimet kanë nisur të shtrenjtohen në të gjithë botën, fillimisht nga përfundimi i periudhës së pandemisë dhe u intensifikuan nga nisja e luftës në Ukrainë. Sipas të dhënave të Institutit Europian të Statistikave, në Eurozonë, në gusht inflacioni arriti në nivel rekord prej 9.1%.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në përpjekje për të frenuar rritjen e ndjeshme të inflacionit, Banka e Shqipërisë ka rritur tre herë normën bazë të interesit për lekun, duke e çuar nga minimumi historik prej 0.5% në 1.75% në fillim të gushtit. Situata mbetet ende e paqartë, duke pasur parasysh edhe intensifikimin e presioneve të krizës energjetike.
