LIGJET E BIZNESIT
Certifikatat e fiskalizimit të biznesit do të lëhsohen nga një kompani private. Qeveria ka vendosur që këtë shërbim ta japë me PPP. Në mbledhjen e fundit Këshilli i Ministrave miratoi një vendim sipas të cilit “Ofrimin i shërbimeve të infrastrukturës së çelësave publikë (PKI)” do të jepet me koncesion të tipit Partneritet Publik -Privat.
Koncesioni ka për qëllim prodhimin e certifikatave elektronike për fisklalizimin e bizneseve, që aktualisht administrohet nga AKSHI ka rritur shqetësimet në lidhje me sigurinë të dhënave.
Aktualisht, kostoja vjetore e subjekteve për t’u pajisur me certifikatën elektronike është 4 mijë lekë. Sipas procedurës që zbatohet, certifikata elektronike gjenerohet nga Agjencia Kombëtare e Shoqërisë së Informacionit (AKSHI).
Ndërkohë, në projektbuxhetin e vitit 2022 në listën e 7 koncesioneve të reja u përfshi edhe koncensioni PPP, ai “Për ofrimin e shërbimit të infrastrukturës të çelësave publikë PKI” me vlerë 208. 8 milionë lekë. AKSHI është ai që aktualisht zhvillon, administron, mirëmban infrastrukturën e Çelësit Publik (PKI) dhe menaxhon certifikatat elektronike. Kontrata e koncesionit është planifikuar për vitin 2022, por ende nuk ka detaje për objektin e saj.
Sipas të dhënave të Drejtorisë së Përgjithshme të Tatimeve, nga 1 janari i vitit të kaluar e deri në maj të këtij viti, janë fiskalizuar 70% e totalit të bizneseve aktive ose 83.202 subjekte.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
