LIGJET E BIZNESIT
Sistemi financiar në vend është i kërcënuar nga kriza e çmimeve dhe shtrenjtimi i energjisë. Banka e Shqipërisë publikoi Raportin e Stabilitetit Financiar për gjashtëmujorin e parë të vitit, duke i vlerësuar pozitivisht ritmet rritjes së ekonomisë shqiptare, por duke nënvizuar rrezikun që vjen nga kriza globale e energjisë për rritjen e çmimeve të produkteve, si dhe reduktimin e konsumit. Sipas Bankës Qendrore, është e domosdoshme që qeveria të mbulojë sa më shumë nevoja për konsum energjetik nga prodhimi i brendshëm.
“Periudha e cila jemi aktualisht përmban disa sfida të rëndësishme që lidhet kryesisht me zhvillimet në tregjet ndërkombëtare e kryesisht me rritjen e kostos së prodhimit për shkak të çmimeve më të larta të energjisë. Nëse kjo do të vazhdojë, sigurisht që kjo mund të jetë problematike për gjendjen financiare të bizneseve, familjeve dhe mund të sjellë rritje të kredive me probleme në sektorin bankar”, u shpreh Klodion Spahiu, përfaqësues i Bankës së Shqipërisë.
Në analizën mbi rreziqet që mund të kërcënojnë stabilitetin e sistemit financiar, Banka Qendrore vlerëson se për 6-mujorin e parë ecuria e përgjithshme ekonomike ka qenë pozitive, aq sa t’i lejojë qeverisë të shpenzojë para për të mbrojtur shtresat më vulnerabël.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
