LIGJET E BIZNESIT
Enti Rregullator i Energjisë pritet të shqyrtojë nesër aplikimet e bëra nga kompanitë OST dhe OSHEE për rritje të cmimit të energjisë elektrike. Sipas njoftimit të ERE, mbledhja pritet të zhvillohet në ora 15.30 dhe gjatë saj do të shyqrtohet kërkesa për rritje të çmimit për konsumin mbi 800 kilovat orë në muaj për familjarët. “Do të diskutohet mbi kërkesën e shoqërisë OST sh.a. për aplikimin për tarifën e transmetimit të energjisë elektrike për vitin 2023 dhe periudhën 2023-2025 2. Mbi kërkesën e shoqërisë FSHU sh.a. lidhur me kostot që duhet të përfshihen në llogaritjen e çmimit me pakicë të energjisë për klientët familjarë me konsum mbi 800 kËh në muaj”, theksohet në njoftimin e Entit Rregullator.
Edhe pse qeveria ka bërë të ditur tashmë se për konsumin mbi 800 kilovat orë, çmimi do të jetë 42 lekë për kilovat orë, një çmim ky sipas tregut, fjala e fundit për vendimin i takon Këshillit Mbikëqyrës së Entit Rregullator të Energjisë. Vendimi nga ky institucion pritet të bëhet publik gjatë javës në vijim dhe nëse rritja e çmimit miratohet, ashtu sic me shumë gjasë do të ndodhë, atëherë ai do të hyjë në fuqi nga 1 tetori.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
