Ish ministri i Financave, Anastas Angjeli foli në A2 Business të gazetares Aurora Sulçe dhe për çështjen e krizës energjetike që po përballet vendi ynë dhe rritjen e çmimit të energjisë për konsumatorët nëse kalojnë fashën e 800 kË.
Sipas Angjelit, është mirë që pas tremujorit të parë të aplikimit të këtyre tarifave të reja të rishikohet paketa dhe të aplikohet një çmim progresiv me fasha.
“Mendoj që qeveria ndërmori një paketë antikrizë, e cila mund të thuhet që ka prekur të gjitha plagët që ka shkaktuar kriza, por që duhet mbajtur vigjilenca pasi kriza evoluon. Një drejtim kryesor është menaxhimi sa më i mirë i krizës energjetike. Kjo edhe nëpërmjet politikës së reformimit të çmimi e cila tashmë hyn në fuqi, por do të sugjeroja që në fund të tremujorit kur të rishikohet paketa, padyshim që mund të rishikohet dhe reforma e çmimit mbi 800 kË, ku mund të përdoret tarifë ose çmim progresiv duke vendosur fashat për të”, deklaroi Angjeli.
Akademiku i ka sugjeruar qeverisë që të vijojë mbëhstetjen për shtresat e varfra dhe në hartimin e buxhetit 2023, të mos shkurtojë shpenzimet për sektorët bazë, si arsimi dhe shëndetësia.
