ERE vendos: Çmimi i energjisë nuk ndryshon për bizneset

Çmimi i energjisë për bizneset nuk do të ndryshojë deri në fund të vitit. Enti Rregullator i Energjisë ka marrë vendimin që çmimet e energjisë për bizneset e liberalizuar lidhur në tensionin 20, 10 dhe 6 KV nuk do të ndryshojnë deri në dhjetor të këtij viti. Kjo do të thotë se për periudhën gusht – dhjetor kjo kategori klientësh, që aktualisht furnizohen nga OSHEE, nën rolin  e Furnizuesit të Mundësisë së Fundit të tarifohet me 18.26 lekë/këh, ndërsa shkak për mos ndryshimin deri në fund të vitit është marrëveshja mes Furnizuesi i Shërbimit Universal dhe Korprporatës Elektorenergetike Shqiptare për sigurimin e energjisë me 12 lekë/kwh.

Ndërkaq, sa i takon bizneseve të lidhur në tensionin 35 KV, çmimi do të vijojë të caktohet çdo muaj për shkak të ndikimit nga kursi i euros. Ndërkohë që, për muajin gusht kjo kategori do të faturohet me 31.29 lekë/kwh.

Ky çmim është thuajse i njëjtë, me atë të muajit korrik, duke qenë se muajin paraardhës, u faturuan me 31.2 lekë/ kwh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern