LIGJET E BIZNESIT
Dollari shënon nivelin më të lartë të pesë viteve të fundit në tregun tonë të këmbimit valutor. Sipas kursit zyrtar të këmbimit të Bankës së Shqipërisë, monedha amerikane u këmbye me 118.81 lekë, niveli më i lartë prej vitit 2017. Që prej fundit të muajit gusht, kur kaloi pikën e barazimit me euron në tregjet ndërkombëtare, dollari po qëndron në vlera më të larta se monedha Europiane edhe kundrejt Lekut.
Ndryshe nga raporti euro-lek, forcimi i dollarit nuk ndikohet nga zhvillime të brendshme, pasi shkëmbimet me monedhën amerikane mbeten në nivele relativisht të ulëta dhe gjithashtu, i paktë është edhe përdorimi i kësaj valute në ekonominë tonë. Presion për rritje çmimesh ushtrohet tek karburantet dhe lëndët e para, që importohen kryesisht në dollar. Sipas ekspertëve, epërsia e monedhës amerikane në tregjet valutore në këtë periudhë po mbëshetet njëkohësisht nga rritja e fortë e normave të interesit të Rezervës Federale, si edhe nga ecuria e mirë e ekonomisë amerikane.
Ndërkohë, kursi i këmbimit euro-lek e ka nisur javën me një ecuri të qëndrueshme. Euro shkëmbehet me 117.73 lekë, duke humbur 0.08 lekë kundrejt fundit të javës së kaluar. Monedha europiane pritet të fitojë pikë në muajt në vijim, me përfundimin edhe të efekteve sezonale.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
