LIGJET E BIZNESIT
Zhvillimet digitale janë bërë jetike për ecurinë dhe jetëgjatësinë e një biznesi në treg. Është ky mesazhi që Drejtoresha e Përgjithshme Ekzekutive e NOA, Znj. Herjola Spahiu dha gjatë Sesionit të Mikrofinancës në Fintech Days, një event që risolli edhe njëherë vëmendjen e nevojshme kundrejt sektorit mikrofinanciar dhe zhvillimeve inovative në të cilat ky sektor është investuar. Zonja Spahiu ndau me pjesëmarrësit zhvillimet më të fundit të vetë institucionit nën drejtimin e saj.
Ajo foli për evolucionin dhe transformimin digjital të Institucionit NOA, duke zëvendësuar periudhën e përdorimit të letrave të shkruara, mbledhjeve fizike, në takime virtuale, skedarë elektronikë, firmë digjitale, një inovacion i ardhur në kohën e duhur, i cili ka rezultuar një evolucion i proceseve të kredidhënies duke i transformuar ato në 100% digjitale.
Në prespektivën e kohëve moderne dhe rëndësisë që kanë për sistemin në tërësi zhvillimet #OpenBanking , Znj. Spahiu u shpreh se në kohët të cilat jetojmë, investimet dhe zhvillimet digjitale janë mëse jetike për ecurinë dhe jetgjatësinë e një biznesi në treg. Ajo theksoi gjithashtu rëndësinë e të gjithë aktorëve në treg të cilët duhet të jenë të unifikuar për të investuar të gjithë së bashku me një fokus dhe synim të qartë, ofrimin e eksperiencës më të mirë për klientin.
Një ndër zhvillimet më të fundit që Institucioni ka bërë dhe që u nënvijëzua në fjalën e Drejtoreshës Ekzekutive të NOA-s, ishte bashkëpunimi i frytshëm me EasyPay, një bashkëpunim i cili i ka fillimet e tij në periudhën e pandemisë dhe dita ditës zhvillohet më tej për të plotësuar nevojat e klientëve në një aspekt më të gjerë, shërbime 360 gradë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
