Çmimet e reja të karburanteve, nafta 4 lekë më pak

Çmimet e karburanteve kanë ndryshuar sërish. Bordi i Transparencës ka publikuar çmimet e reja për shitjen me shumicë dhe pakicë të karburanteve. Sipas vendimit të fundit, nafta do të tregtohet për 219 lekë për litër ose 4 lekë më pak nga vendimi i mëparshëm. Benzina do të tregtohet me 1 lek më shumë, ndërsa çmimi i gazit mbetet i pandryshuar.

Sipas njoftimit të datës 27 shtator vendimet e Bordit, janë si rezultat i lëvizjes së çmimeve në bursën Platts Mediteran.

Si rrjedhojë çmimet e vendosura janë:

• Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 219 lekë/litri, ndërsa i shitjes me shumicë jo më shumë se 207 lekë/litër.
• Çmimi i shitjes me pakicë i nënproduktit benzinë e standardit SSH EN të jetë jo më shumë se 195 lekë/litri, ndërsa i shitjes me shumicë jo më shumë se 183 lekë/litër.
• Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

Çmimet e caktuara nga Bordi do të hynë në fuqi sot datë 27 shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.