LIGJET E BIZNESIT
Rritja e pagës minimale në 34 mijë lekë nuk është mirëpritur nga biznesi. Përfaqësuesit e sipërmarjes private deklarojnë se ky vendim i qeverië rrit kostot për ta, veçanërisht në industri si fasonët, ku kostot kryesore janë pikërisht në zërin e pagave.
“Duke rritur në mënyrë artificiale pagën minimale, kjo shkakton një reaksion zinxhir në rritjen e kostove të pagave të atij biznesi”, deklaron Alban Isteri, kryetar i Dhomës së Tregtisë, Durrës.
I të njëjtit mendim është edhe Florian Zekja, përfaqësues i Proexport Albania, që përfaqëson interesat e industrisë fason. Sipas tij, këta prodhues do të jenë edhe më të goditurit nga rritja e pagës minimale. “Ky vendim sjell një rritje të kostove të menaxhimit të përditshëm të ndërmarjeve dhe ku normalisht në ndërmarjet tona pjesën më të madhe të buxhetin e zenë pagat, gati 70%”, shprehet Zekja.
Sipas bizneseve, pas vendimit të qeverisë për të ndihmuar familjet me paga të ulëta, qëndron strategjia për të mbledhur më shumë taksa.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
