LIGJET E BIZNESIT
Nga analizat dhe komunikimi i vazhdueshëm me bizneset dhe administratën tatimore, ne prezantojmë me poshtë pikat me kryesore me rrisk qe ekspozojnë tatimpaguesit ndaj një kontrolli te mundshëm nga tatimoret. Ato jane:
- Të ardhura të padeklaruara
Dështimi për të raportuar të gjitha të ardhurat tuaja në deklaratën tuaj tatimore është një nxitje kryesore e kontrollit. Kjo për shkak se të ardhurat që nuk raportohen në deklaratën tuaj tatimore gjithashtu kalojnë të pataksuara. - Rezultate me humbje për arsye të shpenzimeve joreale dhe të ardhurave të nëndeklaruara
Raportimi i fitimit dhe humbjes së biznesit e ndërlikon pretendimin për tu rimbursuar për tatimet e paguara gjatë vitit dhe rezultojnë më tepër po as deklarimit vjetor. Tatimorët përdorin të dhëna nga deklaratat e tjera tatimore për të krijuar norma profesionale sipas sektorëve, kështu që nëse shpenzimet tuaja janë dyfishi i asaj që kanë raportuar të tjerë aktivitete të njëjta zakonisht mund t’i nënshtroheni një shqyrtimi të mëtejshëm
- Mosplotesim deklaratash tatimore.
Mosdorëzimi deklaratave tatimore në kohën e caktuar, apo mosdeklarimi është një nxitje për kontroll nga administrata tatimore. - Gabimet aritmetike në deklarime
Edhe në këto raste mund të nxitet kontroll tatimor, veçanërisht në rast përsëritje të gabimeve. - Mosraportimi të ardhurave të realizuara jashtë vendit dhe faturime fiktive
Në përputhje me ligjin e tatimit mbi te ardhurat, administrata tatimore kërkon që të raportoni llogaritë bankare të huaja ose të ardhura të përfituara për aktivitete të kryera jashtë territorit të RSH. Mos raportimi i llogarive të huaja mund të vendosë kontrollin tuaj tatimor për rishikim shtesë, por raportimi i llogarive të huaja mund të jetë gjithashtu një flamur i kuq, që sinjalizon se keni potencialin për të fshehur pasuritë jashtë vendit.
Edhe pse nuk mund të quhen se këto pika shterojnë pikat e rriskut për kontroll tatimor, ato përbëjnë rrisqet kryesore që ekspozojnë tatimpaguesit ndaj kontrollit tatimor./Altax
