Tentuan ti bënin atentat 25-vjeçarit në Shkodër, policia shpall në kërkim dy të rinjtë

Policia e Shkodrës ka shpallur në kërkim dy të rinjtë Tornato Fusha 20-vjeç dhe Bajram Cerkoja 24-vjeç.

Ata akuzohen se janë personat që kanë marrë pjesë në atentatin ndaj Alban Bruçit, që iu bë pritë mbrëmjen e 25 gushtit.

Shtetasit në fjalë janë identifikuar dy ditë pas ngjarjes së rëndë.

Ngjarja ndodhi mbrëmjen e 25 gushtit, rreth orës 21:30, në lagjen “Partizani” . Autorët qëlluan me breshëri në drejtim të mjetit tip “Audi”, ndërsa në vendin e ngjarjes janë gjetur 20 predha.

Asnjë prej plumbave nuk e ka kapur të riun, i cili ishte në makinë. Pas ngjarjes ai ka shkuar në polici, ku edhe ka denoncuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërsa në dëshminë e tij ka thënë se nuk i njeh autorët.

Alban Bruçi është person i njohur për policinë e Shkodrës pasi ka qenë i ndaluar nga policia si i dyshuar për tentativë vrasje ngjarje e ndodhur në 2016-en. Ai ka bërë një vit burg.