Shmanget tragjedia, adoleshenti i shpëton plumbit pas ndërhyrjes së…

Mbrëmjen e djeshme është shmangur një ngjarje e rëndë në Kosovë.

Një 14-vjeçar për pak sa nuk ka rënë viktimë e vrasjes me armë. Siç raportojnë mediat kosovare, një 38-vjeçar ka tentuar ta qëllojë me armë zjarri adoleshentin. Ngjarja ndodhi në lagjen ‘Iliria’, në rrugën ‘Driton Islami’ në Ferizaj.

Falë ndërhyrjes në kohë të policisë, “vrasja është shmangur, pasi efektivët kanë arritur që t’ia heqin nga dora armën e zjarrit të dyshuarit me iniciale G.H, i cili e kishte drejtuar kundrejt viktimës A.S”. Tashmë autori i ngjarjes është arrestuar si dhe është sekuestruar arma e tij.