Gjykata e Tirnaës ka caktuar sot masën e sigurisë “arrest me burg” me afat 30 ditor për Elinta Garon.
E reja 29 vjeçare ishte shoferja që shkaktoi aksidentin me pasojë vdekjen e një personi dhe plagosjen e dy të tjerëve, ngjarje e ndodhur ditë më parë.
Gjatë kësaj kohe do të kryhet ekspertiza auto-teknike e automjetit që ajo drejtonte dhe që u aksidentua në afërsi të Liqenit Artificial, në zonën e “Kodrës së Diellit”.
Garo është përlotur në sallë dhe nuk ka pranuar të ketë qenë duke përdorur celularin në momentin e aksidentit që i mori jetën 60-vjeçarit, Begzan Hyseni.
