Rimorkioja e kamionit rrëshqet keq në kthesë, 370 arka me birra përfundojnë në asfalt

Më shumë se 370 arka birre kanë rrëshqitur nga rimorkioja e një kamioni në Gjermani. Në media thuhet se mijëra shishe të thyera kanë përfunduar në rrugën e cila tani është e lagur me birrë.

Në një kthesë të fortë, një pjesë e ngarkesës rrëshqiti nga kamioni i cili sapo kishte dalë nga fabrika e birrës.
Shishet u thyen menjëherë në asfalt. Një zëdhënës i policisë tha për BILD:

Me sa duket kutitë nuk ishin të siguruara siç duhet, përndryshe nuk do të kishte ndodhur.
Për fat të mirë, në këtë aksident nuk u dëmtua e gjithë ngarkesa pasi 230 arka birre mbetën të paprekura dhe mund të dorëzohen në pikën e shitjes ku ishin planifikuar.