Publikohet fotoja! Ky është Jeton Lami, polici që shoqëronte Vis Martinajn

Është publikuar fotoja e Jeton Lamit, agjenti i Forcave Operacionale në Policinë e Shtetit i cili është arrestuar për shpërdorim detyre.

Lami u arrestua pasi kamerat e sigurisë e kanë filmuar duke u shoqëruar me shumë të kërkuarin e policisë Ervis Martinaj. Gjithashtu Lami akuzohet se ka informuar Martinajn për lëvizjet e policisë dhe e ka transportuar atë në vende të ndryshme.

Aktualisht Lami ndodhet në burgun e Shënkollit në Lezhë dhe nuk ka pranuar të japë asnjë detaj për bashkëpunimin e tij me Martinajn.

Kujtojmë se për herë të fundit Martinaj është parë nën shoqërinë e Jeton Lamit dhe një vajze e cila konsiderohet nga gazetarët e kronikës figurë e njohur publike.