Një makinë është djegur pasditen e sotme në lagjen “Rilindja” të Vlorës.
Mjeti i tipit “Benz” figuron në pronësi të shtetases A.Xh, banuese në Tiranë.
Uniformat blu kanë dhënë detajet përkatëse për ngjarjen në fjalë.
Sipas njoftimit zyrtar grupi hetimor po punon për zbardhjen e rrethanave të ngjarjes.
Njoftimi i policisë:
Më datë 27.08.2022, rreth orës 17:10, në lagjen “Rilindja”, Vlorë, ka rënë zjarr dhe është djegur në brendësi, një automjet i parkuar, tip “Benz”, në pronësi të shtetases A. Xh, banuese në Tiranë.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
