LIGJET E BIZNESIT
Një ngjarje e rëndë ka ndodhur në Cërrik, ku djali, i cili dyshohet se ka probleme të shëndetit mendor, ka tentuar që të vrase me kosore (mjet bujqësor) babanë e tij.
Ndërhyrja e policisë ka shmangur përshkallëzimin e mëtejshëm të situatës, ndërkohë që babai 56-vjeçar është dërguar në spital, ku ndodhet jashtë rrezikut për jetën.
29-vjeçari Bilbil Shërmadhi është vënë në pranga nga policia, ndërkohë që vijojnë hetimet për ngjarjen.
Njoftimi i policisë:
Shërbimet e Komisariatit të Policisë Cërrik, pasi kanë marrë njoftim ditën e djeshme, se në fshatin Klos, Cërrik, shtetasi B. Sh. po konfliktohej me babanë e tij, menjëherë kanë organizuar punën dhe falë ndërhyrjes së shpejtë kanë parandaluar përshkallëzimin e konfliktit që mund të kishte pasoja të rënda.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Falë ndërhyrjes në kohë, shërbimet e Policisë kanë kapur shtetasin B. Sh., 29 vjeç (me probleme të shëndetit mendor), i cili ka dhunuar fizikisht dhe ka goditur me mjet bujqësor (kosore) babanë e tij, shtetasin R. Sh., 56 vjeç, i cili ndodhet jashtë rrezikut për jetën.
Në përfundim të veprimeve, nga specialistët për Hetimin e Krimeve në Komisariatin e Policisë Cërrik u arrestua në flagrancë, për veprën penale “Vrasja për shkak të marrëdhënieve familjare”, mbetur në tentativë, shtetasi B. Sh., 29 vjeç, banues në fshatin Klos, Cërrik.
Materialet hetimore i kaluan Prokurorisë, për veprime të mëtejshme procedurale.
