Ndjekje si në filma për 4 “skifterët”, pasi përplasin të moshuarin sfidojnë patrullën e policisë

Një skenë e denjë për filmat aksion ka qenë ajo që ka ndodhur në Aspropirgos të Greqisë. Një grup prej 4 hajdutësh romë pasi kanë tentuar të hyjnë në një shtëpi në zonën e Zofrias, janë ndjekur nga një patrullë policie, në rrugën e tyre drejt arratisjes që nuk ka shkuar si duhet.

Përplasja e ashpër nisi kur efektivët e ELAS-it i bënë shenjë makinës të ndalonte, por hajdutët u larguan me shpejtësi me fuoristradën e tyre për të shpëtuar.

Gjatë ndjekjes, teksa ecnin me shpejtësi të lartë ata janë përplasur me një mjet që drejtohej nga një i moshuar, i cili gjithashtu mbeti i plagosur.

Pas aksidentit me të moshuarin, hajdutët kanë zbritur nga automjeti dhe kanë nisur të vrapojnë drejt arave, ndërsa policët i kanë ndjekur dhe kanë arritur të arrestojnë tre prej tyre.

Një grup sigurie ndodhet në zonë dhe po kryen hetimet për identifikimin e kriminelit të katërt.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern