Kreu i PD Sali Berisha dhe kryetari i Partisë së Lirisë, Ilir Meta do të mbajnë takime me mbështetësit e tyre dhe qytetarë, në të njëjtën orë sot pasdite, por secili në vende të ndryshme.
Berisha njofton se në orën 19:00 do të zhvillojë një takim me mësues dhe ekspertë të arsimit parauniversitar mbi problematikat që hasin fëmijët në shkolla: “Ju ftoj të më ndiqni sot në orën 19.00 teksa bisedoj me mësues e ekspertë të arsimit parauniversitar mbi sfidat dhe problematikat e shkollave dhe stafeve pedagogjike shqiptare, politizimin e arsimit dhe rrezikun që droga paraqet për fëmijët në shkolla”.
Po në të njëjtën orë, Meta do jetë në Vlorë me përfaqësues të partisë së tij.
“Të dashur miq! I lumtur të rikthehem sot në Vlorën e Lirisë dhe Flamurit Kombëtar!
Në ora 19:00 do të kem kënaqësinë të takoj përfaqësues të Partisë së Lirisë dhe të japim mesazhe për të gjithë vlonjatët e ndershëm, patriotë dhe liridashës”, njofton ai.
