Presidenti Bajram Begaj në një intervistë për “RTK”, pas vizitës së tij zyrtare dy ditore në Kosovë, komentoi edhe anulimit e takimit me krerët e Lidhjes Demokratike të Kosovës.
Ai tha se dëshira e tij ishte që t’i takonte të gjithë liderët politik bashkë, por kjo nuk u mundësua dot dhe takimet u vënë veç e veç.
“Unë jam Presidenti i Republikës së Shqipërisë dhe erdha në Kosovë për të biseduar si në shtëpinë time, doja t’i mbaja këto takime aty që është edhe tempulli politik, në Kuvendin e Kosovës. Ftesa ime ka qenë mjaft e qartë, në Kuvendin e Republikës së Kosovës. Në përgjigjen e LDK, thuhet se Presidenti i Shqipërisë ishte i mirëpritur në godinën e LDK, aktualisht ftesa ishte e bëra nga ana jonë, nga protokolli i Kuvendit të Kosovës dhe takimet ishin të paracaktuara.
Unë erdha me ftesë të Presidentes së Kosovës dhe doja që takimet të bëheshin në nivelin që i takon Presidentit. Personalisht doja që takime mes partive politike shqiptare të bëheshin bashkë jo të ndara, nuk ia arrita dot, mision i pamundur, i takova veç e veç”, tha Begaj.
