Keni lënë pushimet për në shtator? Temperatura surprizuese, ja çfarë premton moti

Ditët e fundit të muajit gusht do të karakterizohen nga një mot i paqendrueshëm, sidomos në veri dhe juglindje të vendit.

Ndërsa mbasditeve pritet të ketë edhe momente me rrebeshe shiu, por ndryshe do të jetë moti pas të enjtës.

Deri në mbyllje të gushtit termometri nuk do të shënojë më shumë se 32 gradë Celsius. Por me nisjen e Shtatorit temperaturat do të rriten ndjeshëm.

Në 10 ditët e para të Shtatorit moti do të jetë i përshtatshëm për të vijuar pushimet dhe për të shijuar bregdetin. Shtatori do të jetë verë. Të gjithë ata që kanë planifikuar pushimet në këtë fillim shtatori, nuk duhet të shqetësohen pasi moti do të jetë i kthjellët dhe i ngrohtë.

Sipas sinoptikanëve gjysma e parë e muajit shtator do të jetë me temperatura deri në 36 gradë, tipike për stinën e verës.Reshjet do të jenë të pakta dhe të izoluara vetëm në zonat malore.Pjesa e parë e shtatorit do të jetë me temperatura mbi normalen e muajit, dhe vetëm në pjesën e dytë pritet një rikthim të temperaturave tipike të vjeshtës.