Të tjera detaje dalin në dritë në lidhje me sulmin që ndodhi dje në uzinën e armëve në Çekin të Gramshit. BalkanWeb ka zbardhur dëshminë e Svetlana Timofoeva, 33 vjeçe dhe Mikhail Zorin të dhënë para oficerëve të Antiterrorit. Ata deklaruan se ishin blogerë dhe se kishin ardhur në Shqipëri për turizëm, ndërsa kishin si qëllim të fotografonin uzinat dhe godinat e vjetra.
Në sajë të kërkimeve nga ana e policisë rezulton se adresa në instagram ku thuhet se shpalos veprimtarinë e saj 33-vjeçarja, ajo mban emër tjetër. E njëjta gjë rezulton edhe me 24-vjeçarin.
“Shkuam pranë uzinës për të bërë fotografi, pasi jemi blogerë. Fotografojmë uzina objekte të vjetra”, mësohet të jetë shprehur 33-vjeçarjë.
Ka dyshime të forta se këta 3 shtetas mund të jenë pjesë e një celule spiunazhi në Rusi. Burime nga grupi hetimor dhe dëshmitarë të ngjarjes, bënë me dije se 3 shtetasit e huaj ndodheshin prej 3 ditësh në Gramsh. Ata prej dy ditësh fotografuan nga larg uzinën dhe lëviznin me një mjet ‘chevroletë’. Shërbimi ushtarak u informua rreth kësaj lëvizje.
Bazuar ne veprimet që kanë bërë dje tre shtetasit e huaj dhe para dy ditësh rreth uzinës, bazuar edhe ne sendet qe i janë sekuestruar ka dyshime te forta për nje rrjet spiunazhi rus. Kujtojmë që edhe para disa ditësh u arrestua në Kosovë një gazetare ruse si pjesë e një celule spiunazhi ruse.Bw
