“Jam shqipja që e ndal veç p lumbi” Pas pezullimit nga detyra, reagon për herë të parë nënkomisarja e Elbasanit (VIDEO)

Pak pasi drejtori i Policisë së Shtetit Gledis Nano e pezulloi nga detyra, ka reaguar nënkomisarja e Policisë së Elbasanit, Anisa Kostani.

Në një video që ka publikuar në rrjetet sociale, ajo shihet duke udhëtuar me makinë.

Në sfond dëgjohet kënga e reperit Unikkatil, “U qova pi vorri”.

“Un jom ma i mallkumi ma i paparashikumi, ai shqipja i pergjakshem qe mun e nal veq plumi, gjinja tash po vesin kush ke ti? Un jom viktori, un nashta deka per do vjet po tash u qova pi vorri hey,”- dëgjohet të thotë këngëtari, fjalë përmes të cilave Kostani duke se i përgjigjet vendimit të marrë ndaj saj.

Anisa Kostani, efektivja e krimit ekonomik në Drejtorinë e Policisë së Elbasanit është pezulluar nga detyra. Me urdhër të Drejtorit të Përgjithshëm të Policisë së Shtetit, Gledis Nano, Kostani nuk do të mund ta ushtrojë më detyrën e saj deri në përfundim të hetimeve. Kjo masë vjen vetëm një ditë pasi ofendoi e kërcënoi gazetarët që kishin kritikuar punën e bluve të këtij qyteti. Në shkrimin e bërë në ‘Instagram’, ajo i quan gazetarët të degjeneruar madje në një farë mënyrë i ka kërcënuar mediat duke i thënë ‘do përfundoni nën rrota’.