I shpëtoi atentatit në Shkodër, zbardhet dëshmia e 25-vjeçarit Alban Bruçi

Alban Bruçi, një 25 vjeçar nga Shkodra i shpëtoi një atentati të ndodhur në orët e mbrëmjes të 25 gushtit, rreth orës 21:30. Ngjarja ndodhi në lagjen “Partizani” në Shkodër. Ai është qëlluar me 19 plumba teksa ndodhej brenda automjetit të tij, por asnjë prej plumbave nuk e ka plagosur.

Menjëherë pas ngjarjes shënjestra e atentatit ka lënë automjetin e mbushur me plumba dhe ka shkuar në policinë e Shkodrës duke kallëzuar për ngjarjen e ndodhur.

Ai ka deklaruar në polici se ai nuk e ka idenë se kush e ka qëlluar dhe se nuk ka konflikte me persona të tjerë ndërsa atentati ndodhi pak metra larg banesës së tij. “Nuk e kam idenë se kush mund të jenë autorët e kësaj ngjarje. Kam qenë duke shkuar në shtëpi kur dy persona me motoçikletë u afruan dhe qëlluan ndaj meje. Në atë moment u mundova që të shpëtoj dhe eca pak metra me makinë. Pasi u larguan nuk kisha marrë asnjë plumb dhe menjëherë erdha në polici për të treguar ngjarjen. Nuk kam konflikte me persona të tjerë dhe nuk e di se kush mund ta ketë bërë”, mësohet të ketë thënë Alban Bruçi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern