Identifikohet autori i vrasjes së dyfishtë në Tiranë.
Bëhet fjalë për Arsen Muskurtin, i cili vrau me armë zjarri vëllain e tij dhe kunatën.
Ndërkohë mësohet se Muskurti njihej me emrin Hamza Kastrati.
Viktimë ka mbetur Dritan Muskurti dhe bashkëshortja e tij Nora Muskurti.
Mes tyre ka pasur konflikte të vazhdueshme për pronën.
NJOFTIMI I POLICISE
Më datë 30.08.2022, në rrugën “Islam Alla”, dyshohet se si pasojë e një konflikti familjar, shtetasi A. M., dyshohet se ka qëlluar me armë zjarri drejt vëllait të tij shtetasit D. M., 44 vjeç, dhe një shtetaseje tjetër, ende të paidentifikuar, (dyshohet bashkëshortja e shtetasit D. M.) të cilët si pasojë kanë ndërruar jetë.
Shërbimet e Policisë kanë shkuar menjëherë në vendngjarje dhe po vijojnë kontrollin e zonës me qëllim kapjen e autorit.
Grupi hetimor nën drejtimin e Prokurorisë po punon për sqarimin e plotë të rrethanave të ngjarjes.
