Hetimet për vrasjen e 71-vjeçarit shqiptar Shefki Kurti janë hapur sërish.
Pensionisti u gjet i vrarë dhe i copëtuar në fund të korrikut në ujërat e kanalit Adigetto në Polesine.
Mësohet se Prokuroria e Rovigos ka arrestuar bashkëshorten e viktimës N.Kurti.
Ajo e ka pranuar krimin, dhe ndodhet në spitalin psikiatrik të Rovigos.
Gruaja akuzohet për vrasje me dashje dhe ishte shtruar në spital më 12 gusht për çrregullim të personalitetit deluzional.
Historia filloi mëngjesin e 28 korrikut, kur, pranë kanalit Adigetto në Villanova del Ghebbo, disa teknikë të ngarkuar me pastrimin e kanalit gjetën një këmbë njeriu. Në të njëjtën ditë, më tej në rrjedhën e sipërme të ujit, pikërisht në Lendinarë, janë gjetur dy thasë. Brenda ishin koka dhe busti i një burri. Zbulimi i tretë ndodh pasditen e së njëjtës ditë. Në Villanova del Ghebbo, jo shumë larg vendit ku u gjet këmba, gjenden dy krahë në dy çanta të tjera. Tri ditë më vonë, më 31 korrik dhe përsëri në Adigetto midis Lendinarës dhe Villanovës, u gjet edhe këmba tjetër.
Pensionisti 72-vjeçar me origjinë nga Durrësi, prej vitesh banonte në Badia Polesine, një qytezë me rreth 10 mijë banorë në afërsi të Rovigos.
