“Është rrethuar zona” Ekzekutimi në Elbasan, policia del me informacion. Ja si ndodhi ngjarja

Një ngjarje e rëndë tronditi Elbasanin këtë mbrëmje.

Bëhet fjalë për një vrasje të ndodhur pranë stadiumit të qytetit.

Mësohet se një person është qëlluar me armë teksa hipte në makinë, duke mbetur i vdekur në vend.

Viktima është identifikuar si Madrit Ulqinaku. Ende nuk dihen rrethanat e ngjarjes, ndërkohë policia ka dalë me informacion zyrtar.

Njoftimi i policisë

Më datë 17.08.2022, rreth orës 21:50, në lagjen “Kongresi”,  Elbasan, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç,  ka qëlluar me armë zjarri pistoletë dhe për pasojë ka humbur jetën shtetasi M. U., rreth 25 vjeç, banues në Elbasan.

Shërbimet e Policisë kanë shkuar menjëherë në vendngjarje, së bashku me grupin hetimor.

Është rrethuar zona dhe vijon krehja e saj për të bërë të mundur kapjen e autorit.

Grupi hetimor, nën drejtimin e Prokurorisë, vijon punën për zbardhjen  dhe dokumentimin e plotë të rrethanave të ngjarjes.