Do të zëvendësojnë Këlliçin/ Zgjedhjet për kreun e ri të FRPD, ja kush janë 6 emrat në garë

Pas pothuajse 7 vitesh në krye të Forumit Rinor të Partisë Demokratike Belind Këlliçi  ka hequr dorë nga detyra.

Ai do të qendrojë kështu në mandatin e deputetit.

Ndërkohë mësohet se në garën e nisur prej disa javësh janë përfshirë 6 të rinj që në vitet e gjata të opozitës së PD janë angazhuar në aksionet politike të demokratëve në Tiranë, por edhe në rrethe. Pjesë e garës për Forumin Rinor të Partisë Demokratike janë Alesia Balliu, Arnold Kariqi, Artion Barjamaj, Barbara Doda, Besart Xhaferri dhe Mariglent Doçi. Juristë, arkitektë, gazetarë dhe ekonomistë janë pjesë e garës për forumin rinor të PD.

Sipas informacioneve, përtej drejtimit të forumeve në rrethe të tjerë kandidatët kërkojnë që të jenë ata liderët e të rinjve demokratë në të gjithë vendin.