Djegia e autobusit nga Maqedonia/Prokuroria bullgare ndërpret hetimet

HOME
JoqAlbania logo

Prokuroria bullgare ndërpret hetimet për rastin e djegies së autobusit nga Maqedonia
Shkruar nga: B Hasi | Publikuar më: 30.08.2022, 09:36

Prokuroria bullgare ndërpret hetimet për rastin e djegies së autobusit nga Maqedonia
Zëdhënësja e kryeprokurorit të Bullgarisë, Sijka Mileva, tha se është ndërprerë procedura para hetimore për aksidentin e autobusit nga Maqedonia e Veriut në të cilin u dogjën 46 persona.

Siç njoftojnë nga Agjencioni Informativ i Maqedonisë, Mileva tha për median bullgare BNT se arsyeja për këtë është për shkak se prokurorët bullgarë kanë kërkuar më shumë hetime dhe informacione nga kolegët e tyre në Maqedoni.

Mileva tha se hetimet e deritanishme kanë vërtetuar fakte të reja lidhur me atë që ka ndodhur gjatë natës tragjike.

Natën e 23 nëntorit 2021 autobusi u dogj plotësisht, por jo nga katër tubat e benzinës që transportonte shoferi maqedonas.

Ata nuk janë shkaku i zjarrit sepse kanë mbetur të paprekura.

Mileva tha se për të ishte një tragjedi e madhe, e cila do të mbetet në kujtesën e saj.

“Ky është një rast i paprecedentë dhe unik në histori. Hetimi i vendit të aksidentit ka zgjatur më shumë se 24 orë, duke filluar në errësirëne asaj nate, mëngjesin e hershëm të ditës së ngjarjes dhe përfundoi në mbrëmje. Gjashtë hetues dhe tre prokurorë kanë punuar në këtë rast dhe mbledhja e provave ka përfunduar për vetëm 10 ditë”, komentoi Mileva.