Këngëtari i njohur Bojken Lako është në një lidhje të re prej disa muajsh.
Kështu, ai ka vendosur të lërë pas krahëve historinë e dashurisë me artisten Semi Jaupaj.
Edhe pse artisti nuk e ka zbuluar se kush është vajza që ia ka marrë zemrën, nuk fshihet më dhe shfaqen bashkë publikisht.
Konkretisht, Bojken ka qenë me vajzën misterioze në festivalin “Sunny Hill” që po zhvillohet këto ditë pranë Liqenit Artificial në Tiranë.
Çifti janë fotografuar nga ‘Vip Magazine’ në momente intime dhe duke shkëmbyer puthje në buzë. E dashura e artistit është e panjohur për publikun por kjo nuk e ka penguar çiftin të shfaqte dashurinë në publik.
Dyshimet mbi lidhjen e re u ngritën pasi Bojkeni postoi një foto në rrjetin social Instagram ku shfaqej duke mbajtur dorën e një vajze. Edhe pse artisti nuk ka qenë ndonjëherë i hapur për ta bërë publike jetën e tij private, kësaj here ai ka vendosur të na thotë se është duke jetuar një lidhje dashurie.
Disa muaj më parë gjatë një interviste në “Wake Up” i pyetur për foton që publikoi, Bojken fillimisht ironizoi se e bëri për të “promovuar festivalin”, pra për vëmendje ose marketing. Më tej ai shprehu se fakti që ai e ka postuar atë foto në faqen e tij personale do të thotë që “është diçka e mirë”. “Po shiko tani desha të promovoj festivalin. Nuk kam dëshirë të flas shumë sepse kështu është si të thush maja e shpërndarjes së thashethemit dhe të lajmit. Deri sa kam vënë diçka në faqen time personale normalisht ka diçka shumë të mirë që ndihem mirë edhe…”- tha ai duke mos dhënë shumë detaje.
