Atentat në Vlorë/ Qëllohet në drejtim të një makine, v riten dy persona

Vlora është tronditur mëngjesin e sotëm nga një atentat i ndodhur në mbikalimin e Panajasë.

Pas të shtënave me armë, kanë mbetur dy të vdekur dhe një i plagosur.

Persona ende të paidentifikuar, dyshohet për dy autorë, kanë qëlluar me armë zjarri në drejtim të një makine në ecje, ku dyshohet se udhëtonin viktimat dhe i plagosuri.

Makina e viktimave është ndjekur nga autorët, dhe pasi është qëlluar me armë në drejtim të tyre, automjeti ka dalë nga rruga.

Autorët kanë ndjekur dhe vëzhguar makinën që po udhëtonin viktimat, më pas i janë afruar paralel dhe kanë qëlluar me breshëri plumbash.

Sakaq është gjetur dhe një mjet i djegur në afërsi të Levanit, që dyshohet se u përket autorëve. Policia  ndodhet në vendin e ngjarjes, ndërsa po punohet për zbardhjen e plotë të saj.