LIGJET E BIZNESIT
Reperi Kleviol Ahmetaj i njohur ndryshe si Cllevio e ka pësuar sërish nga policia.
Ai është shfaqur “live” në rrjetet sociale duke dhunuar qenin e tij Gango.
Video u bë virale duke mbërritur deri në polici pas reagimit të qytetarëve.
Këta të fundit kanë ndërmarr hapa për të ndëshkuar Kevjol Ahmetin apo i njohur ndryshe si Cllevio. 36-vjeçari është aktualisht me masë sigurie “Arrest në shtëpi”, të caktuar nga Gjykata e Rrethit Gjyqësor Lushnjë, për veprat penale “Largimi i të burgosurit nga vendi i qëndrimit”, “Prodhimi dhe shitja e lëndëve narkotike” dhe “Mbajtja pa leje e armëve të ftohta”.
Kujtojmë se Cllevio u bë i njohur pas një sherri me reperin Noizy. Cllevio bashkë me disa miq të tij kanë shkuar tek lokali i Noizyt në Durrës, por në këtë moment reperi i është kundërpërgjigjur ashpër Cllevios duke e qëllua dhe rrahur në sy të shokëve të tij dhe më pas duke i detyruar të largoheshin.
Njoftimi i policisë:
Në lidhje me një video të postuar në rrjetet sociale, në të cilën shfaqet një shtetas, në ambientet e banesës, duke keqtrajtuar një kafshë shtëpiake (qen), ju sqarojmë se:
Specialistët për Hetimin e Krimeve të Komisariatit të Policisë Lushnjë, pas publikimit të pamjeve filmike, referuan materialet në Prokurori në ngarkim të shtetasit K. A., 36 vjeç, banues në Lushnjë, për veprën penale “Keqtrajtimi i kafshës”. 36-vjeçari është aktualisht me masë sigurie “Arrest në shtëpi”, të caktuar nga Gjykata e Rrethit Gjyqësor Lushnjë, për veprat penale “Largimi i të burgosurit nga vendi i qëndrimit”, “Prodhimi dhe shitja e lëndëve narkotike” dhe “Mbajtja pa leje e armëve të ftohta”.
Drejtoria Vendore e Policisë Fier falënderon mediat dhe qytetarët që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie në Komisariatin Dixhital dhe në numrin pa pagesë 112, duke iu garantuar anonimat të plotë dhe reagim të menjëhershëm e të paanshëm.
