Shinzo Abe, kryeministri më jetëgjatë i Japonisë, u qëllua ditën e sotme teksa po bënte fushatë për zgjedhjet parlamentare. Një burrë i armatosur hapi zjarr ndaj tij nga pas.
Kryeministri Fumio Kishida tha se Abe, 67 vjeç, ishte në gjendje të rëndë. Ai dënoi të shtënat në qytetin perëndimor të Nara gjatë fushatës si një sulm të papranueshëm mbi themelin e demokracisë japoneze.
Më parë, një mjek i spitalit tha se Abe dukej se ishte në një gjendje “arresti kardiak” kur u transportua me helikopter në spital, pasi fillimisht kishte qenë i vetëdijshëm.
Policia tha se 41-vjeçari i dyshuar për kryerjen e të shtënave ishte arrestuar. NHK citoi të dyshuarin, Tetsuya Yamagami, t’i kishte thënë policisë se ishte i pakënaqur me Abe dhe donte ta vriste atë.
PAMJET
