Britania është duke u përballur me temperatura ekstreme në ditët e fundit, ndërkohë që ekstreme të të nxehtit pritet të regjistrohen edhe ditën e nesërme.
Për të dhënë një ide të situatës metë cilën janë duke u përballur qytetarët britanikë, mbi të gjitha të pamësuar me të tilla temperatura, një 30-vjeçar ka gatuar në një sipërfaqe metalike, vezë, proshutë dhe bishtaja.
Danny Haw ka postuar në TikTok pamjet të cilat janë marrë me sportivitet edhe nga ndjekësit.
“E gatuar sot. Duke përgatitur mëngjesin nën diellin anglez”, ka shkruar 30-vjeçari nga Pontefract, West Yorkshire
Danny ka zbuluar se duke pasur parasysh temperaturat e larta, ishte bërë kurioz nëse do t’ia dilte të përgatiste një vakt duke shfrytëzuar vetëm rrezet e diellit.
Në pamjet e filmuara në mesditë, Danny thyen një vezë në pjesën metalike e cila sipas tij është e vendosur mbi një frigorifer, së bashku me dy copa proshutë dhe një kanoce me fasule të pjekura.
Tridhjetë minuta më vonë, ai tregon rezultatet e mëngjesit të tij të gatuar në mënyrë “natyrale”.
“Nuk kam parë kurrë një mot të tillë në Britani, kështu që mendova të shohim nëse nxehtësia mund të na ndihmonte edhe në gatim. E lashë të gatuhej për rreth 30 minuta.
Nuk e hëngra, por provova vezën e parë. Ishte më shumë një eksperiment argëtues dhe funksionoi.
