Rikthehen stuhitë/ Moti bën ndryshimin drastik, ja parashikimi që bëjnë meteorologët

Në këto çaste rrebeshe shiu kanë nisur në jug dhe perëndim të Kosovës.

Ato janë të shoqëruara me vetëtima dhe bubullima lokale.

Ndërsa në veri dhe qendër të vendit ende nuk ka reshje.

Sistemi i vranësirave ka përfshirë edhe pjesë të Maqedonisë së Veriut ku priten reshjet më të fuqishme nga ky ciklon.

Gjatë orëve të ardhshme reshjet e shiut do të përfshijnë tërë territorin e Republikës së Kosovës, ndërsa vende-vende priten reshje intensive të cilat mund të shkaktojnë vërshime të shpejta. Rajonet ku priten reshje më intensive janë jugu, jugperëndimi dhe juglindja e Kosovës, por lokalisht edhe në vise tjera.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Reshje dhe stuhi të fuqishme priten në Maqedoninë Veriore dhe veriun e Greqisë ku lokalisht priten vërshime masive.

Temperaturat po shënojnë ulje të ndjeshme dhe dita e shtunë do të jetë mjaft e freskët dhe me reshje të herëpashershme shiu.

Ky ciklon nga e diela do të fillojë të dobësohet tërësisht dhe të largohet nga rajoni ynë.