Policia shoqëron 7 persona/ Sherri për një vend parkimi në Vlorë, autori ende në kërkim

Janë zbardhur detaje të reja nga ngjarja e rëndë e ndodhur ditën e sotme në qytetin e Vlorës, ku një person qëlloi me armë si pasojë e përplasjes për një vend-parkimi.

Sipas informacioneve bëhet me dije se janë shoqëruar deri më tani 7 persona, ndërsa autori është ende në kërkim. Shkak i konfliktit banal, ishte një për vend parkim, ku një person ka nxjerrë armën tip pistoletë dhe ka qëlluar në ajër.

Nga informacionet paraprake, mësohet se nuk ka pasur persona të lënduar, ndërkohë që policia ka bërë të mundur identifikimin e autorit. Efektivët e policisë së Vlorës po punojnë për lokalizimin dhe kapjen e autorit të dyshuar.

NJOFTIMI I POLICISË:

Sot, rreth orës 12:00, në afërsi të tunelit në “Uji të Ftohtë”, si pasojë e një konflikti të çastit për motive të dobëta, dyshohet se një shtetas, ka qëlluar me armë zjarri në ajër. Nga verifikimet e bëra nga shërbimet e Policisë, nuk ka persona të dëmtuar. Janë ngritur pika kontrolli dhe vijon krehja e zonës për kapjen e autorit i cili është identifikuar nga Policia menjëherë. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes dhe identifikimin e personave të përfshirë në konflikt.