LIGJET E BIZNESIT
Të tjera detaje kanë dalë në dritë nga përplasjet mes bandave shqiptare fundjavën e kaluar në Greqi, ku mbetën të vdekur 3 persona dhe tre të tjerë u plagosën, dy prej të cilëve efektivë policie.
Sipas mediave greke, përleshjet me armë zjarri në Kato Patisia dhe Agioi Anargyrou, që kishin protagonistë kriminelë shqiptarë fshehin pas tyre trafikun e kokainës dhe larja e hesapeve përmes vrasjeve me pagesë.
Dy ngjarjet e përgjakshme ku mbetën të vrarë Andon Dhimitraq Tefi dhe Armando Lamaj, 48 dhe 46 vjeç, ishin të lidhura me njëra-tjetrën. Të dy viktimat ishin arrestuar në muajin maj për trafik droge.
Në një analizë të gjatë, mediat greke shkruajnë se pas këtyre përplasjeve qëndron trafiku i kokainës që vjen nga kartelet e Amerikës Latine. 46-vjeçari që ra i vdekur nga plumbat e bashkatdhetarit të tij 48-vjeçar (gjithashtu bashkëpunëtor i tij në të paktën një rast trafiku droge) nuk ishte një person i rëndomtë i mafias shqiptare.
Ai ishte arrestuar shtatë herë në Greqi dhe sipas mediave helene kjo tregon gamën e aktiviteteve të shumta që kishte zhvilluar. Fakti që ai shkoi në takim me të paktën tre persona të tjerë si grup mbështetës (përfshirë djalin e tij 23-vjeçar, i cili gjithashtu mbeti i vrarë si pasojë e asaj që ndodhi në Patisia) do të thotë se ai ishte kapoja. Ndërkaq vetë policia greke ka ngritur alarmin se në periudhën e fundit janë shtuar ekzekutimet e personave që në një mënyrë apo tjetër janë të përfshirë në mafian shqiptare.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Vitet e fundit në Greqi kanë ndodhur një sërë vrasjesh të anëtarëve të mafias shqiptare, ku ekzekutimet kryhen kryesisht me pagesë dhe larje hesapesh.
